L skeleton ie ruvà sciche prim!
Domenia, 01.02.2026 dales 19:05
Perdrët univa l cuncors de scultura tla nëif te Sëlva daniëura metù a jì de dezëmber, ma davia che n ne n’ova nia pudù fé la nëif ntlëuta an spënt l apuntamënt a jené. Y plu avisa dai 22 nchin ai 25 à la set grupes ziplà do si mudel che fova unì cris ora da na juria metuda su aposta. Tla trasmiscion iel da audì ntervistes ai urganisadëures, a vel’ scultëur y sambën nce chiche à venciù chësta 29ejima edizion che ova sciche tema „Juesc da d’inviern“. Trasmiscion de Alex Runggaldier
Foto: “High Speed”, lëur che à venciù l cuncors, realisà da Patrick Senoner y Pietro Colmellere
(foto: Diego Moroder)